ПИРОТЕХНИКИЙН ХЭРЭГСЛЭЭС УРЬДЧИЛАН СЭРГИЙЛЬЕ

Бенгалын гал, салют зэрэг пиротехникийн хэрэгслийг хэрэглэхгүй байхыг анхааруулж байна

 

Хуучин оноо үдэж, шинэ оноо угтах шинэ жилийн баярын арга хэмжээг зохион байгуулахдаа иргэд, аж ахуйн нэгж, байгууллагууд салют, бенгалын гал болон чанарын шаардлага хангаагүй пиротехникийн хэрэгслийг дур мэдэн хэрэглэдэг.

Зөвшөөрөлгүй газраас худалдан авч, улмаар салют буудуулах, сүлд модыг чимэглэхдээ мэргэжлийн бус хүнээр хийлгэдгээс болж бэртэж гэмтэх тохиолдол гардаг юм. Тухайлбал 2010-2011 онд пиротехникийн хэрэгсэлд 11 хүн өртөж бие эрхтэнээ гэмтээж байжээ.

Тиймээс зөвшөөрөлгүйгээр салют, бенгалын гал зэрэг пиротехникийн хэрэгслийг иргэдийн гар дээрээс худалдаж авахгүй байх, эрх бүхий байгууллагаас худалдан авсан бол заавар санамжийг мөрдөх, сүлд модоо 12 волтын хүчдэлтэй гэрлэн чимэглэлээр чимж, цахилгааны утасны холболтыг дүрмийн дагуу хийх, цагаан бенгалын галыг хялбар шатах материалын ойролцоо цацруулахгүй байх, цацарч дууссаны дараа цаас, саа, хөвөн зэрэг шатамхай зүйл дээр хаяхгүй байх, оргилуурт гэрэл, тэсрэх бодис, динамидийг  орон байр, сүлд модны ойролцоо хэрэглэхгүй байх, аж ахуйн нэгж, байгууллагууд сүлд модыг дүрмийн дагуу угсарч ашиглах, тухайн обьктын харуул хамгаалалтын сонор сэрэмжийг сайжруулж болзошгүй эрсдэлээс урьдчилан сэргийлэхийг ОНЦГОЙ БАЙДЛЫН ГАЗРААС АНХААРУУЛЖ БАЙНА.

 

 

НЭЭЛТТЭЙ АЖЛЫН БАЙРНЫ ЗАР

Дархан-Уул аймгийн Онцгой байдлын газарт дараах шаардлага хангасан иргэдийг сонгон шалгаруулж ажилд авна. Үүнд:
-Гамшгийн эрсдлийн удирдлага, үнэлгээний асуудал эрхэлсэн мэргэжилтэн /Онцгой байдлын ажил, санхүү эдийн засаг, эрхзүй, байгалийн шинжлэх ухаан, мэдээллийн технологи, барилга, уул уурхай, дэд бүтцийн инженер, эрсдлийн удирдлага, газар зүй, орон зайн мэдээллийн технологи мэргэжлүүдээр бакалаврын зэрэгтэй,
-Урьдчилан сэргийлэх, хэвлэл олон нийттэй харилцах асуудал эрхэлсэн мэргэжилтэнээр /Сэтгүүлч, гадаад харилцааны мэргэжлээр бакалаврын зэрэгтэй/

ХҮЧТЭЙ САЛХИ, ЦАСАН БОЛОН ШОРООН ШУУРГА БОЛОХЫГ АНХААРУУЛЖ БАЙНА.

2018 оны 12 дугаар сарын 2-нд нийт нутгаар цас, 3-нд зарим газраар бага зэргийн цас орж, салхи 2-нд ихэнх нутгаар секундэд 16-18 метр хүрч ширүүсэн цасан болон шороон шуурга шуурах тул малчид малтайгаа уруудах, шуурганд тѳѳрѳх, осгох эрсдэлээс урьдчилан сэргийлж малын бэлчээрлэлтэд онцгойлон анхаарах, хүчтэй салхи шуурганы үеэр иргэд, тээврийн хэрэгслийн жолооч нар хол, ойрын замд зорчихгүй байх, бага насны хүүхэд, ѳндѳр настан болон хѳгжлийн бэрхшээлтэй иргэдийг харгалзах хүнгүйгээр үлдээхгүй байх, хүчтэй цасан шуурганы үеэр үзэгдэх орчин хязгаарлагдаж  зам даваа боогдож халтиргаа гулгаа үүссэний улмаас тээврийн хэрэгсэл саатах, бѳѳгнѳрѳл үүсэх зэрэг хүндрэл гардаг тул хүчтэй салхи шуурганы үед замд гарахгүй байх, зайлшгүй шаардлагатай тохолдолд замд гарахдаа тээврийн хэрэгслийн найдвартай байдлыг хангаж шатахууны нѳѳцтэй, дулаан хувцастай зорчихыг Онцгой байдлын газраас онцгойлон анхааруулж байна.

Ахуйн гал түймрийн аюулаас сэрэмжлүүлж байна

2018 оны эхний 11 сарын байдлаар Дархан-Уул аймгийн хэмжээнд нийт 124 удаагийн объектын гал түймрийн дуудлагаар Онцгой байдлын газрын алба хаагчид ажиллаж 61 хүний амь насыг авран хамгаалжээ.
Иймд иргэн та өөрийн болон бусдын амь нас, эрүүл мэнд, эд хөрөнгөд учирч болзошгүй эрсдэлээс урьдчилан сэргийлж, халуун үнс нурмыг ил задгай асгахгүй байх, үнс нурмыг таглаа бүхий зориулалтын саванд хийж занших, гэр орондоо зул, хүж, лаа, дэн асаахдаа галын аюулгүй байдлыг хангаж, түүнийг хяналттай байлгах, шингэрүүлсэн шатдаг хийгээр ажилладаг тулга, зуухыг ашиглахдаа аюулгүй ажиллагааны дүрэм журмыг баримтлах, эвдрэл гэмтэлтэй зориулалтын бус цахилгаан хэрэгслийг ашиглахгүй байх, гарааш ил зогсоолд автомашинаа байрлуулахдаа галын аюулгүйн зай хэмжээг баримтлах, бага насны хүүхдийг харгалзах хүнгүйгээр гэрт нь цоожилж орхихгүй байх, төрөл бүрийн цахилгаан халаагуур, халаагчийг хэрэглэхдээ цахилгаан ашиглалтын дүрэм, аюулгүй ажиллагааны зааварчилгааг мөрдөх, холбогдох байгууллагуудаас өгч байгаа заавар, зөвлөмжийг дагаж мөрдөхийг Онцгой байдлын газраас зөвлөж байна.

АЖЛЫН БАЙРНЫ НЭЭЛТТЭЙ ЗАР

Дархан-Уул аймгийн Онцгой байдлын газарт Хөдөө аж ахуй, газар тариалангийн технологич, Газрын тосны хадгалалт, тээвэрлэлтийн инженер,Биотехнологич чиглэлээр бакалавр болон түүнээс дээш боловсрол эзэмшсэн, Онцгой байдлын байгууллагад алба хаах журмын шаардлага хангасан иргэдийг Улсын нөөц хүмүүнлэгийн тусламжийн ангид агрономич, үрийн улаан буудайн нярав, шатах тослох материалын няравын ажилд тус тус сонгон шалгаруулж ажилд авна.Бүрдүүлэх материал:
Цээж зураг /3*4/ – 4ш
– Төрийн албан хаагчийн анкет
-Багийн засаг даргын тодорхойлолт
-Гурван үеийн намтар
-Бакалаврын диплом /эх хувь/
-Цэргийн үүрэгтний үнэмлэх / Эрэгтэй бол цэргийн алба хаасан байх/
-Иргэний үнэмлэх /нотариатаар батлуулсан байх/

Шарын гол сумын иргэн сэтгэлийн үг ирүүллээ.

ДАРХАН-УУЛ АЙМГИЙН ОНЦГОЙ БАЙДЛЫН АЛБАНД

Монгол Улсын хэмжээнд ажил үүрэг гүйцэтгэж байгаа Онцгой байдлын алба хаагчид тэдний гэр бүл, тус хамт олны удирдлагуудад жирийн ажилчин гаралтай тэтгэврийн би энэхүү сэтгэлийн үгийг Монголын олон мянган эцэг эхийн төлөөлөл болон бичлээ.

Юуны өмнө Монгол орны өнцөг булан бүрт хэлж ирдэггүй байгалийн онц аюултай үзэгдэлүүд болон хүний буруутай үйл ажиллагааны буруугаас болсон гамшигтай нойр хоол, орон гэр, үр хүүхдээ үл хайхран эр хүний өргөсөн тангараг, эх оронч үгийн дор нэгдэж тулалдах бие, сэтгэл зүрх, бүхий л зүйлээ дайчлан ажилладаг Онцгой байдлын алба хаагч нарын үүрэгт ажилдаа шамдан ямар ч зовлон бэрхшээлийг өөрийн биеэр туулж давдаг эгэл баатрууддаа иргэн хүний хувьд талархаж дэмжиж явдагаа илэрхийлэхийн зэрэгцээ өөрийн эр зориг хүслээрээ энэ албанд орж тангараг өргөн ажиллаж буй нэг ч гэсэн алба хаагчид урам зориг өгөхсөн гэсэн минь энэ билээ.

Өнөөгийн нийгэмд цалингийн зээлтэй, гэр бүл нь ажилгүй, түрээсийн байранд айл болдог эсвэл хадам болон эх эцэгтэйгээ цуг амьдарч зээлээс зээлийн хооронд амьдарч байгаа хэдий ч хоёргүй сэтгэлээр зүтгэж байгаа алба хаагч нартаа төрийн түшээ нар минь байр орныг хөнгөлөлттэйгээр шийдэж өгч байвал иргэн хүний хувьд баярлах талархах зүйл тэр байна. Олон хүний бодит амьдралын харагдаж байгаа өнцөг миний зүгээс ийм байна. Эцэг хүний хувьд эх орны иргэн хүний хувьд би энэхүү сэдвийг хөндлөө.

Удирдах албаны төлөөлөлүүд минь алба хаагчдынхаа дотоод сэтгэлд орж ажиллаарай гэж гуйж, энэ хүсэлт захидлаар Гамшигтай тэмцэгч алба хаагч нар бие бүрэлдэхүүнээрээ эх орныхоо эгэл баатарууд шүү гэж хэлхийг хүссэн юм.

Төр улс минь түвшин байж, Төрсөн биес тань эрүүл саруул байг.

 

ДАРХАН УУЛ АЙМАГ

ШАРЫН ГОЛ СУМЫН ДАРХАН БАГИЙН ИРГЭН,

ӨНДӨР НАСТАН Б.ГАНТИГ

Дархан Дулааны сүлжээ ТӨХК-ийн Аврах бүлгийн алба хаагчид дадлага сургуульд хамрагдлаа.

Дархан Уул аймгийн Дархан Дулааны сүлжээ ТӨХК-ийн аврах бүлгийн 20 албан хаагч Иргэдийг гамшгаас хамгаалах сургалт дадлагын цогцолбор төвийн үйл ажиллагаатай танилцан биетээр мэдрэх дадлага сургуулийг 2018 оны 10 дугаар сарын 10-ны өдөр хийж гүйцэтгэлээ. Тус сургалтаар Аврах зам гарц хаагдсан үед Аврах тавцан, Аврах хоолой, Аврах сагс ашиглан өндрөөс аврах ажиллагааг зохион байгуулах мөн 2 сунадаг шат ашиглан барилгын 2 давхарт гарах, ухаан алдсан хүнд амилуулах суурь тусламжийг үзүүлэх, нэрвэгдэгчийг тээвэрлэх зэрэг 6 төрлийн дадлагыг гүйцэтгэн онолын мэдлэгээ бататгалаа.

Цаг агаарын урьдчилан сэргийлэх мэдээ

Малчид, тариаланчид, иргэдийн анхааралд

УЦУОШГ-аас ирүүлсэн цаг агаарын урьдчилан сэргийлэх мэдээгээр Дархан-Уул аймгийн нутгаар энэ сарын 26-28-нд ихэнх нутгаар, 29, 30-нд зарим газраар хур тунадас нойтон цас орно. Салхи ихэнх хугацаанд баруун хойноос 4-9 м/с, 26-29-нд түр зуур 12-14 м/с хүрч цасан шуурга шуурах төлөвтэй тул болзошгүй эрсдлээс урьдчилан сэргийлнэ үү.

цаг агаарын сэрэмжлүүлэг мэдээ

СЭРЭМЖЛҮҮЛЭГ МЭДЭЭ:
Малчид, тариаланчид, хадланчдын анхааралд

Өнөө шөнө баруун аймгуудын нутаг, төвийн аймгуудын нутгийн баруун хэсгээр, маргааш өдөр нутгийн төв хэсгээр, 20-22-нд нутгийн зүүн хагаст ахиухан хэмжээний хур тунадас, нойтон цас орж цасан шуурга шуурч эрс хүйтрэхийг онцгойлон анхааруулж байна.Ойрын өдрүүдэд хур тунадас, нойтон цас орж эрс сэрүүснэ, салхи 16-18 м/с хүрч шороон болон цасан шуурга шуурахыг онцгойлон анхааруулж байна. 

Иргэдэд зориулсан мэдээллийн “www.e-khutuch.mn” удахгүй ажиллаж эхэлнэ.

“Бүх нийтийн эрх зүйн боловсролыг дээшлүүлэх үндэсний хөтөлбөр”-ийг Монгол Улсын Засгийн газрын 2018 оны 50 дугаар тогтоолоор баталсан билээ. Энэ хүрээнд иргэд хүссэн цагтаа, хүссэн газраасаа шаардлагатай мэдээлэл авах, сургалт, сурталчилгаа, зөвлөгөө мэдээллийн баталгаатай эх сурвалж болох эрх зүйн цахим мэдээллийн сан “www.e-khutuch.mn” портал цахим хуудсыг бүтээж, ашиглалтад оруулах ажлыг Хууль зүйн үндэсний хүрээлэн, “Нээлттэй нийгэм Форум”-тай хамтран туршилтын шатанд хэрэгжүүлж эхэлж байгаа бөгөөд сайтын талаар санал хүсэлт авах, зөвлөгөө мэдээлэл өгөх зорилгоор 2018 оны 09 дүгээр сарын 12-ны өдөр Хууль зүйн үндэсний хүрээлэнгээс мэргэжилтэн Дэлгэрсайхан ирж мэдээлэл хийлээ.