ЯРИЛЦАХ ЦАГ

Дархан-Уул аймгийн Онцгой байдлын газраас 2018 оны 11 дүгээр сарын 28-ний өдөр DBS телевизийн “Ярилцах цаг” нэвтрүүлэгт оролцлоо. Тус нэвтрүүлгээр 2018 оны гал түймрийн нөхцөл байдлын талаар, цаг агаарын аюулт үзэгдлээс урьдчилан сэргийлэх, мөс цөмрөх эрсдэлээс урьдчилан сэргийлэх гэсэн 3 чиглэлээр ярилцлага зохион байгуулж иргэд олон нийтэд болзошгүй аюулт үзэгдэл, техникийн холбогдолтой ослоос хэрхэн сэргийлэх талаар мэдээ мэдээлэл хүргэлээ.

ХҮЧТЭЙ САЛХИ, ЦАСАН БОЛОН ШОРООН ШУУРГА БОЛОХЫГ АНХААРУУЛЖ БАЙНА.

2018 оны 12 дугаар сарын 2-нд нийт нутгаар цас, 3-нд зарим газраар бага зэргийн цас орж, салхи 2-нд ихэнх нутгаар секундэд 16-18 метр хүрч ширүүсэн цасан болон шороон шуурга шуурах тул малчид малтайгаа уруудах, шуурганд тѳѳрѳх, осгох эрсдэлээс урьдчилан сэргийлж малын бэлчээрлэлтэд онцгойлон анхаарах, хүчтэй салхи шуурганы үеэр иргэд, тээврийн хэрэгслийн жолооч нар хол, ойрын замд зорчихгүй байх, бага насны хүүхэд, ѳндѳр настан болон хѳгжлийн бэрхшээлтэй иргэдийг харгалзах хүнгүйгээр үлдээхгүй байх, хүчтэй цасан шуурганы үеэр үзэгдэх орчин хязгаарлагдаж  зам даваа боогдож халтиргаа гулгаа үүссэний улмаас тээврийн хэрэгсэл саатах, бѳѳгнѳрѳл үүсэх зэрэг хүндрэл гардаг тул хүчтэй салхи шуурганы үед замд гарахгүй байх, зайлшгүй шаардлагатай тохолдолд замд гарахдаа тээврийн хэрэгслийн найдвартай байдлыг хангаж шатахууны нѳѳцтэй, дулаан хувцастай зорчихыг Онцгой байдлын газраас онцгойлон анхааруулж байна.

Ахуйн гал түймрийн аюулаас сэрэмжлүүлж байна

2018 оны эхний 11 сарын байдлаар Дархан-Уул аймгийн хэмжээнд нийт 124 удаагийн объектын гал түймрийн дуудлагаар Онцгой байдлын газрын алба хаагчид ажиллаж 61 хүний амь насыг авран хамгаалжээ.
Иймд иргэн та өөрийн болон бусдын амь нас, эрүүл мэнд, эд хөрөнгөд учирч болзошгүй эрсдэлээс урьдчилан сэргийлж, халуун үнс нурмыг ил задгай асгахгүй байх, үнс нурмыг таглаа бүхий зориулалтын саванд хийж занших, гэр орондоо зул, хүж, лаа, дэн асаахдаа галын аюулгүй байдлыг хангаж, түүнийг хяналттай байлгах, шингэрүүлсэн шатдаг хийгээр ажилладаг тулга, зуухыг ашиглахдаа аюулгүй ажиллагааны дүрэм журмыг баримтлах, эвдрэл гэмтэлтэй зориулалтын бус цахилгаан хэрэгслийг ашиглахгүй байх, гарааш ил зогсоолд автомашинаа байрлуулахдаа галын аюулгүйн зай хэмжээг баримтлах, бага насны хүүхдийг харгалзах хүнгүйгээр гэрт нь цоожилж орхихгүй байх, төрөл бүрийн цахилгаан халаагуур, халаагчийг хэрэглэхдээ цахилгаан ашиглалтын дүрэм, аюулгүй ажиллагааны зааварчилгааг мөрдөх, холбогдох байгууллагуудаас өгч байгаа заавар, зөвлөмжийг дагаж мөрдөхийг Онцгой байдлын газраас зөвлөж байна.

Дархан Дулааны сүлжээ ТӨХК-ийн Аврах бүлгийн алба хаагчид дадлага сургуульд хамрагдлаа.

Дархан Уул аймгийн Дархан Дулааны сүлжээ ТӨХК-ийн аврах бүлгийн 20 албан хаагч Иргэдийг гамшгаас хамгаалах сургалт дадлагын цогцолбор төвийн үйл ажиллагаатай танилцан биетээр мэдрэх дадлага сургуулийг 2018 оны 10 дугаар сарын 10-ны өдөр хийж гүйцэтгэлээ. Тус сургалтаар Аврах зам гарц хаагдсан үед Аврах тавцан, Аврах хоолой, Аврах сагс ашиглан өндрөөс аврах ажиллагааг зохион байгуулах мөн 2 сунадаг шат ашиглан барилгын 2 давхарт гарах, ухаан алдсан хүнд амилуулах суурь тусламжийг үзүүлэх, нэрвэгдэгчийг тээвэрлэх зэрэг 6 төрлийн дадлагыг гүйцэтгэн онолын мэдлэгээ бататгалаа.

цаг агаарын сэрэмжлүүлэг мэдээ

СЭРЭМЖЛҮҮЛЭГ МЭДЭЭ:
Малчид, тариаланчид, хадланчдын анхааралд

Өнөө шөнө баруун аймгуудын нутаг, төвийн аймгуудын нутгийн баруун хэсгээр, маргааш өдөр нутгийн төв хэсгээр, 20-22-нд нутгийн зүүн хагаст ахиухан хэмжээний хур тунадас, нойтон цас орж цасан шуурга шуурч эрс хүйтрэхийг онцгойлон анхааруулж байна.Ойрын өдрүүдэд хур тунадас, нойтон цас орж эрс сэрүүснэ, салхи 16-18 м/с хүрч шороон болон цасан шуурга шуурахыг онцгойлон анхааруулж байна. 

Иргэдэд зориулсан мэдээллийн “www.e-khutuch.mn” удахгүй ажиллаж эхэлнэ.

“Бүх нийтийн эрх зүйн боловсролыг дээшлүүлэх үндэсний хөтөлбөр”-ийг Монгол Улсын Засгийн газрын 2018 оны 50 дугаар тогтоолоор баталсан билээ. Энэ хүрээнд иргэд хүссэн цагтаа, хүссэн газраасаа шаардлагатай мэдээлэл авах, сургалт, сурталчилгаа, зөвлөгөө мэдээллийн баталгаатай эх сурвалж болох эрх зүйн цахим мэдээллийн сан “www.e-khutuch.mn” портал цахим хуудсыг бүтээж, ашиглалтад оруулах ажлыг Хууль зүйн үндэсний хүрээлэн, “Нээлттэй нийгэм Форум”-тай хамтран туршилтын шатанд хэрэгжүүлж эхэлж байгаа бөгөөд сайтын талаар санал хүсэлт авах, зөвлөгөө мэдээлэл өгөх зорилгоор 2018 оны 09 дүгээр сарын 12-ны өдөр Хууль зүйн үндэсний хүрээлэнгээс мэргэжилтэн Дэлгэрсайхан ирж мэдээлэл хийлээ.

Үерийн аюулаас болгоомжлохыг анхааруулж байна.

УЦУОШАлбанаас ирүүлсэн мэдээгээр Хараа голын усны түвшин нэмэгдэж 170 см болсон нь үерийн түвшинээс 2см-ээр давсан улмаар энэ сарын 30, 9-р сарын 1-ны өдрүүдэд нийт нутгаар дуу цахилгаантай бороо орж голын усны түвшин дээшлэх төлөвтэй байна. Иймд иргэд хамт олон найз нөхдөөрөө гол, усны ойролцоо амралт, чөлөөт цагаа өнгөрүүлэхдээ аюулгүй байдлаа хангах, хүүхдэд тавих хараа, хяналтаа сайжруулах, бага насны хүүхдийг ганцааранг нь явуулахгүй, голын эрэг орчмоор тоглуулахгүй байх зэрэг болзошгүй эрсдэлээс урьдчилан сэргийлэхийг Дархан Уул аймгийн Онцгой байдлын газраас анхааруулж байна

Хөнгөн атлетик 2018 улсын аваргын тэмцээнээс хос хүрэл медаль хүртжээ.

Улаанбаатар хотноо зохион байгуулагдсан “Хөнгөн атлетикийн насанд хүрэгчдийн 2018 оны улсын аварга шалгаруулах тэмцээн”-д ГТУА-54 дүгээр ангийн аврагч гал сөнөөгч Б.Ачитбилэг амжилттай оролцож 4*100 төрөлд болон багийн амжилтаар тус тус хүрэл медал хүртэж Хос Хүрэл медалийн эзэн болсон байна.

ГҮНИЙ УСНААС АВРАХ АЖИЛЛАГААНЫ ДАДЛАГА СУРГУУЛИЙГ ЗОХИОН БАЙГУУЛЛАА.

Дархан-Уул аймгийн Онцгой байдлын газраас Эрэн хайх аврах анги, Гал түймэр унтраах, аврах ангиудын аврагч-гал сөнөөгчдийн дунд гүний уснаас эрэн хайх, аврах ажиллагааны чадавхийг бататган дээшлүүлэх зорилгоор 2018 оны 07 дугаар сарын 24-ны өдөр “Иргэд автомашинтайгаар осолдсон үед аврах ажиллагааг зохион байгуулах нь” цагийн байдал дээр ажиллах дадлага сургуулийг хийж гүйцэтгэлээ. Сургууль :
1. Усны гүнийн камер ашиглан тандалт хийх
2. Аврагч нар 8 метрийн гүний шумбалт хийн нэрвэгдсэн иргэнийг усны гүнээс гаргах
3. Усанд осолдсон иргэнд амилуулах суурь тусламж үзүүлэх
4. Живсэн автомашиныг усны гүнээс татан гаргах гэсэн 4 үе шаттайгаар явагдлаа.

Сургалт дадлагад нийт 24 алба хаагч хамрагдаж аврах ажиллагааны дадлага сургуулийн дараа алба хаагч нар хиймэл нуурын нэг эрэгээс нөгөө эрэг рүү сэлж чадвараа үнэлүүлсэн байна. Энэ үеэр Улаанбаатар хотоос кинозураг авалт хийхээр ирсэн “Очир филм” киностудийн 11 ажилтан сургуулийн үйл ажиллагаатай танилцан дироноор бичлэг хийж зураг авалтанд оруулж ажилласан байна.
Сургуульд ОБЕГ-ын даргын 2013 оны А/921 дугаар тушаалын хавсралт “Уснаас эрэн хайх, аврах ажиллагааг зохион байгуулах журам”-ыг мөрдлөг болголоо.

2018 оны 7 дугаар сарын 27-ноос 7 дугаар сарын 31-нийг хүртэлх цаг агаарын урьдчилсан төлвөөр 27, 30-нд Дархан-Уул аймгийн ихэнх нутгаар дуу цахилгаантай бороо орж, салхи борооны өмнө түр зуур ширүүснэ. Шөнөдөө 12-17 градус, 27, 28-нд өдөртөө 17-22, бусад хугацаанд 25-30 градус дулаан байх тул болзошгүй эрсдлээс урьдчилан сэргийлнэ үү.
2018 оны 7 дугаар сарын 26-наас 7 дугаар сарын 30-ныг хүртэлх өдрийн цаг агаарын урьдчилсан мэдээ: